اهم قطع الجهاز بروسيسر او رامات او كارت شاشة

ناس كتير بتسئل ايه اهم قطعه في الجهاز واكتر حاجه الالعاب بتعتمد عليها كرت الشاشة !؟ولا البروسيسر!؟ ولا الرامات ؟؟

وعانعرف دا من الموضوع التالي.

في ناس كتير لما بتيجي تشتري جهاز مبتكنشش عارفه ايه اهم قطعه في الجهاز

يعني : ايه اهم جزء في الجهاز بتعتمد عليه الالعاب بنسبة كبيرة

البروسيسر ولا كارت الشاشة!!؟

تعالوا نعرف الاجابة الان

اهم جزء في الجهاز والالعاب بتعتمد عليه بنسبه كبيره هو كرت الشاشة وده المفروض انك تركز عليه اوي لما تيجي تشتري جهاز جديد لان كارت الشاشه هو الاساس في تشغيل الالعاب

طيب هل معني كده اني اشتري بروسيسر ضعيف!! واشتري رامات قليله واصرف الميزانيه كلها علي كرت الشاشة

لأ طبعا

أحنا قلنا ان كرت الشاشة اكتر حاجه بتعتمد عليها الالعاب لكن مش معني كدا انك تهتم بكرت الشاشه وتسيب باقي مكونات الجهاز يعني لما انت تيجي تشتري كرت شاشة يعني ومينفعش تهمل حاجه وتدي اهتمامك لحاجه تانية بشكل كبير جدا لازم تساوي طرف الميزان عشان الجهاز يكون متكامل ويكون في اداء كويس

يعني مش مثلا انا مش عاروح اشتري كارت زي GTX 780 مع بروسيسر PENTIUM4

طب عيحصل اي لو انا اشتريت كرت شاشه قوي مع بروسيسر ضعيف ؟؟؟

هيحصل ظاهره اسمها "Bottleneck" يعني ظاهره عنق الزجاجه

ظاهرة عنق الزجاجة: الظاهرة دي بتحدث لما يبقي في جزء ضعيف في الجهاز ومأثر علي جزء تاني قوي ومش مخليه يقدم كل قوته بمعني انك مثلا لو اشتريت كرت شاشة قوي مع بروسيسر ضعيف فالكرت مش عيقدر يستعمل قوته كلها ويشغل الالعاب بكفائه عاليه

ملحوظه: ظاهرة عنق الزجاجه ممكن تحدث بسبب الرمات مش شرط البروسيسر فقط

طبعا ناس كتير لما تسمع عن لابات البروسير بتاعها core i7 او core is

يقولك انا عاجيبه ده هيساعدني جامد في تشغيل الالعاب!!

لا طبعا مش عايساعدك زي ما انت فاكر ومش عيديك الكفائه الي انت عايزها والسبب ان كروت الشاشه الخاصه بالابات بتبقه مدمجه والمعروف ان الكروت المدمجه بتبقة ضعيفه

دلوقتي نقدر نقول ان اهم 3 حاجات بتعتمد عليها الالعاب

1-كرت الشاشة

2-البروسيسر

3-الرامات