كيف تستطيع تجميع جهازك بنفسك

كيف تستطيع تجميع جهازك بنفسك؟

زى ما وعدناكم بعمل شرح مفصل لل MotherBoard

ال MotherBoard او اللوحة الأم اهم قطعه فى الجهاز مش بسبب الأداء أنما بسبب أن

هي الأساس اللى ببنى عليه جهازى وهيا اللى بتحددلى المكونات اللى هقدر أركبها

عليها سواء بروسيسور او رام او كارت شاشة !!

أحنا هنتكلم النهاردة عن ال MotherBoards الخاصه ب Intel

وأن شاء الله هنتكلم عن AMD MotherBoards الشرح الجاي ..
قبل ما نبدأ ان شاء الله هحاول أنى أتكلم عن أهم النقاط وهشرح فى الموضوع دا أزاى

تقدر تجمع وتختار مواصفاتك بنفسك !!
-----------------------------عندنا ال Intel MotherBoards

بتنقسم لأنواع على حسب ال Socket
ال Socket او المقبس : بالبلدى هوا المكان اللى بيركب فيه البروسيسور فى الماذربورد

زى ( 775 - 1155 - 1366 - 1156 - 1150 - 2011 ) .
اللى هنتكلم عنهم ودول المشهورين والمنتشرين 775 - 1155 - 1150
بس أنا أنصح اللى هيشترى يخليه فى الماذربورد اللى بالسوكيت دا 1150 او 1155
لان الماذربورد اللى بتدعم سوكيت 775 بتشيل المعاالجات القديمه وتقريبآ معتش بينزل منها جديد خلاص
..ال MotherBoards اللى بتدعم سوكيت 1155

ودى تقدر تشيل معاك معالجات الجيل الثانى ( الساندى بريدج ) والثالث ( الأيفى بريدج ).
وأنواع ال MotherBoadrs بسوكيت 1155 :
B75, Q75, Z75, H77, Q77, Z77
H61, H67, P67, Z68
.معالجات الجيل الثانى :

Celeron - G440, G460, G465, G470, G530, G540, G550, G555
Pentium - G620, G622, G630, G632, G640, G645, G840, G850, G860
Core i3 - 2100, 2102, 2105, 2120, 2125, 2130
Core i5 - 2300, 2310, 2320, 2400, 2500, 2500K, 2550K
Core i7 - 2600, 2600K, 2700K
--
معالجات الجيل الثالت :
Celeron - G1610, G1620
Pentium - G2010, G2020, G2030, G2120, G2130
Core i3 - 3210, 3220, 3225, 3240
Core i5 - 3330, 3450, 3470, 3550, 3570, 3570K
Core i7 - 3770, 3770Kاللى نفهمه من الكلام دا أنك لو عندك مثلآ ماذربورد h61 تقدر تركب عليها عادى أى

بروسيسور من اللى فوق دا ..
طيب حد يقولى وأنا لسا هحفظ كل دا ؟
لأ مش مطلوب منك انك تحفظ ولا حاجة الموضوع كله توافق السوكيت بين الماذربورد
والمعالج ..
طيب وازاى تعرف السوكيت الخاص بكل ماذربورد او الخاص بكل معالج ؟
ابحث عن المعالج او الماذربورد فى موقع الشركه المصنعه وهتلاقى موجود ال LGA

الخاصه بالبروسيسور والسوكيت الخاص بالماذربورد لو متوافقين يبقى كدا تمام* ملحوظة صغيره مكنتش عايز أكتبها عشان ملغبطش الناس بس عشان الناس تكون

فاهمه ..

فى سنه 2011 لما طرحت شركه أنتل معالجات الجيل الثانى اللى ذكرتها فوق طرحت

معاها اللوحات الأم دى ( H61, H67, P67 ,Z68 ) يعنى اللوحات دى فوقتها كانت داعمه

للجيل الثانى فقط اللى ذكرناه فوق .. بس لما جت الشركة تطرح معالجات الجيل الثالت

فى 2012 نزلت بيوس عشان اللوحات الخاصه بالجيل الثانى تقدر تشغل عليها معالجات

الجيل الثالث أيضآ .. ولما نزلت لوحات الجيل الثالث اللى هيا دى (B75, Q75, Z75, H77,

Q77, Z77 ) نزلت داعمه للجيلين الثانى والثالث ..
عشان كدا بتلاقى الجيل الثانى والثالث يشتغلو عادى على اى ماذربورد من الجيل الثانى

والثالث بس فى ملاحظه تانية كمان الماذربورد اللى من الجيل الثانى سعات بتحتاج

تحديث البيوس من موقع الشركه عشان تشغل عليها معالج من الجيل الثالث ..

أنا عارف أنى لخبطكم بس هبسطها يعنى انت لو جبت لوحة أم H61 ودى ماذربورد من

الجيل الثانى مع بروسيسور من الجيل الثالث مثلآ
Core i7 - 3770 ممكن تحتاج تحدث البيوس من موقع الشركة لو مكنش متحدث عشان كدا
ابقى اسئل قبل ما تشترى بس هيا مش امر معقد ولا حاجة مش هتاخد دقيقتين زى لما

تعمل أبديت لدرايفر كارت الشاشة كدا .. وفى الغالب لو أنت بتشترى الجهاز والشركه

بتجمعهولك هيا هتحدثلك البيوس يعنى زى ما قولت الأمر مش معقد *
--
تانى حاجة لوحات الأم الداعمه لسوكيت 1150

ودى تقدر تشيل معاك معالجات الجيل الرابع ( الهاسويل ) .

أنواع الماذربورد الدامعه لسوكيت 1150 :
H81, B85, Q85, H87, Q87, Z87

أنواع معالجات الجيل الرابع ( الهاسويل ) :
Pentium - G3220, G3420, G3430
Core i3 - 4130, 4330, 4340
Core i5 - 4430, 4440, 4570, 4670, 4670K
Core i7 - 4770, 4770K, 4771
زى ما وضحت فوق بردو الموضوع توافق يعنى أنت لو ناوى تشترى ماذربورد H81 ودى

السوكيت الخاص بيها 1150 هتقدر تركب عليها المعالجات اللى فوق دى ..

-----------------------------
ال Intel MotherBoard
زى ما بتنقسم لأنواع على حسب السوكيت الخاص بكل ماذربورد بتنقسم لانواع على

حسب أذا كانت الماذربورد داعمه لكسر السرعة او لأ
الأنواع الداعمه لكسر السرعة مثال :
Z87 , Z75 , Z77 , Z68الأنواع الغير داعمه لكسر السرعة مثال :

H61, H67, P67,H81, B85,يفضل لما تجيب ماذربورد داعمه لكسر السرعة تختار معاها بروسيسور أيضآ داعم لكسر

السرعة وهوا اى بروسيسور هتلاقى مكتوب جمب أسمه K

مثال :
Core i7 - 4770k , Core i7 - 3770K , Core i5 - 4670K
طيب فى سؤال ممكن يخطر على بال ناس كتير
هل لو أنا ركبت بروسيسور داعم لكسر السرعة على ماذربورد غير داعمه لكسر السرعة

هيحصل مشاكل والعكس ؟
لأ مش هيحصل مشاكل بس بلاش تدفع فلوس وتجيب ماذربورد داعمه للكسر طبعآ

سعرها أغلى من العاديه وانت هتجيب عليها بروسيسور غير داعم للكسر يبقى مالوش

لزمه ..
كسر السرعة ( للى ميعرفش ) : ببساطه تامه وهوا أنك تزود قوة القطعه سواء

بروسيسور او كارت شاشة عن الحد المحدد او الحد الأساسى اللى الشركة محدداه بيديك

أداء أعلى .. بس ليه مخاطر السخونه وممكن يأدى لتقليل العمر الأفتراضى الخاص

بالقطعه ، محتاج تبريد يكون كويس ، ومش مفضل لو انت مبتدأ انك تعمله .. أبحث على

جوجل لمعلومات أكتر
..نيجى بقى لأهم حته فى الشرح ودى اللى فى ناس كتير مختلفه فيها هل الماذربورد تأثر

فى مكونات الجهاز ؟

بمعنى أبسط لو أنا أشتريت ماذربورد H81 مع بروسيسور Core i7 4770
وكارت شاشة GTX 780 ,, هيبقى فى فرق بينه وبين لو شغلت نفس البروسيسور

والكارت على ماذربورد H87 طبعآ هيا أغلى فهل هيكون فى فرق بينها وبين الأرخص ؟
أجابه السؤال مش هيكون فى فرق فى الأداء .
طب ليه ال H87 أغلى من ال h81 مع أنهم يقدرو يشيلو نفس أنواع البروسيسور وعلى

حسب كلامك مفيش فرق فى الأداء بينهم ؟
بسبب الحجات الأضافيه الموجودة فى الماذربورد بمعنى أوضح يعنى ممكن تكون

ماذربورد

فيها اكتر من منفذين للرام وفيها كرت صوت وكرت شبكه أفضل من ماذربورد تانية او ماذر

داعمه لكسر السرعة وواحدة تانيه لأ وحجات تانيه أضافيه ودا اللى بيفرق فى الأسعار .

لما قولت فى اول مرة أنى هعمل موضوع عن الماذربورد لفت نظرى رد واحد وكان كاتب

ساعتها
Motherboard not for performance but for features
وهوا دا التعبير الصح والرد على السؤال بمعنى أنك بتشترى ماذر أغلى للأشياء الأضافيه

الموجودة فيها اللى هتنفعك فى المستقبل
طيب فى ناس بتقول أن فى فرق بين منفذ ال PCI-2.0 وPCI-E3.0
الخاص بكارت الشاشة يعنى لو ماذربورد فيها منفذ PCI-2.0 وماذر تانية فيها منفذ PCI-

E3.0 هيكون فى فرق فى الأداء بينهم ؟
لحد دلوقتى مظهرش فرق أداء بين المنفذئين او فرق الأداء ضئيل جدآ
ودى صورة بتثبت الكلام دا

---
طيب ازاى لو عايز اجمع جهاز أعرف ازاى اذا كانت القطع متوافقه او لأ ؟

مش هضيف حاجة بالنسبه للبروسيسور لاننا شرحنا فوق ازاى تختار البروسيسور

المناسب هتكلم عن باقى القطع ..

لو مثلآ أنا هجيب ماذربورد H81 وزى ما قولنا الماذر بسوكيت 1150

يعنى قدامى معالجات الجيل الرابع على حسب ميزانيتى ساعتها هشوف هقدر أشترى

اية بالظبط مثلآ لو أنا معايا 1400 جنيه هشترى بروسيسور

Core i5-4440 LGA 1150

وأخترت البروسيسور دا عشان اول حاجة عشان الميزانيه تانى حاجة عشان توافق

السوكيت

نيجى للرام اول حاجة هشوف الماذربورد بتاعتى هتقدر تشيل حجم الرامه كام وتقدر

تعرف دا من خلال موقع الشركه بردو او لو الدنيا ضاقت بيك موقع Game-debate

لو عملت سيرش عن اى قطعه هيجبلك كل المعلومات اللى هتحتاجها

الماذربورد H81 تقدر تشيل لحد 16 جيجا رام 1600MHz

فانت هيكون كفايه بالنسبالك اوى رامه 8 جيجا 1600MHz

مثلآ هختار الرامه دى

Kingston HyperX FURY Blue 8GB DDR3 1600MHz CL10 1.5v

سعرها 620 جنيه

طبعآ لو عايز تشترى رامتين 4 جيجا ( 2× 4 ) مفيش مشاكل عادى أنا بدى مثال بس

نيجى للكارت الشاشة والماذربورد مش هتربطك بكارت شاشة معين كل كروت الشاشة

اللى نزلت تشتغل عليها عادى بس انت هتجيب حاجة على اد بقيت المكونات عشان

ميحصلش عنق زجاجة مثلآ

GTX 660 او R9 270x على حسب أنت بتفضل نفيديا او AMD

يبقى احنا كدا جمعنا جهاز

H81 - GTX 660 - Ram 8 GB 1600MHz - Core i5-4440

عنق الزجاجة ( للى ميعرفش ) : ببساطه شديدة لو قطعه ضعيف فى الجهاز بتأثر على

باقى المكونات ومبيقدروش يشتغلو بكامل قوتهم

الموضوع سهل وبسيط أنا عارف أن الشرح طويل حبتين بس أنا حبيت أوضح كل النقاط

الموضوع منقول ..